नेपाल वायुसेवा निगम, वायुसेवा साधारण सेवा तथा सम्पत्ति व्यवस्थापन विभाग
कान्तिपथ, काठमाडौँ, सम्पर्क फोन नं.: ४२२०७५७ Ext. 3113
पुराना सवारीसाधन तथा स्पेयर पार्टसहरू लिलाम बिक्रीका लागि सिलबन्दी बोलपत्र आह्वानको सूचना
यस श्री नेपाल वायुसेवा निगम कार्यालयमा मौज्दातमा रहेका लिलाम बिक्री गर्नुपर्ने पुराना सवारी साधन तथा स्पेयर पार्टस्हरू जे-जस्तो अवस्थामा छन्, सोही अवस्थामा बोलपत्रको माध्यमद्वारा पुनः लिलाम बिक्री गर्नुपर्ने भएकोले यस निगमद्वारा उपलब्ध गराइने बोलपत्र फाराममा निर्दिष्ट गरिएको प्रावधान एवं सर्तहरूको अधीनमा रहने गरी इच्छुक व्यक्ति, फर्म, संस्था वा कम्पनीहरूबाट बोलपत्र पेस गर्नुहुन यो सूचना प्रकाशित गरिएको छ । बोलपत्र फाराम यो सूचना गोरखापत्रमा प्रकाशित मितिले १५ दिनभित्र रु. २,०००/- (अक्षरुपी रुपैयाँ दुई हजार मात्र, फिर्ता नहुने) तिरी निगमको केन्द्रीय कार्यालय, कान्तिपथ, काठमाडौंस्थित दर्ता चलानी शाखाबाट कार्यालय खुला रहने समयभित्र प्राप्त गर्न सकिनेछ र प्राप्त बोलपत्र उल्लेखित प्रावधान एवं सर्तहरूको अधीनमा रही यो सूचना गोरखापत्रमा प्रकाशित भएको मितिले १६ औं दिनको १२:०० बजे सम्ममा दर्ता गराइसक्नुपर्ने र सोही दिनको – ४:०० बजे यस निगमको केन्द्रीय कार्यालयस्थित साधारण सेवा तथा सम्पत्ति व्यवस्थापन विभागमा बोलपत्र दाता वा निजको प्रतिनिधिको रोहबरमा खोलिनेछ । बोलपत्र दाता वा निजको प्रतिनिधिको अनुपस्थितिमा पनि बोलपत्र खोल्न कुनै बाधा हुनेछैन । बोलपत्र खरिद गर्ने अन्तिम दिन तथा दाखिला गर्ने र खोल्ने दिन सार्वजनिक विदा पर्न गएमा उक्त दिनहरू क्रमशः त्यसको भोलिपल्ट कार्यालय खुला रहने दिनलाई मानिनेछ । यस सम्बन्धी अन्य थप जानकारीका लागि निगमको सवारी शाखामा सम्पर्क राख्न सकिनेछ । साथै निगमको वेबसाइट : www.nepalairlines.com.np मा पनि हेर्न सकिनेछ ।
Notice Source : Gorkhapatra
